ਖਬਰਾਂ ਵਾਲੇ -ਥਾਣਾ ਇਸਲਾਮਾਬਾਦ 'ਚ ਧਮਾਕਾ ਕਰਵਾਉਣ ਵਾਲੇ ਜੀਵਨ ਫੌਜੀ ਗੈਂਗ ਦੇ ਗੁਰਗਿਆਂ ਨੂੰ ਅੰਮ੍ਰਿਤਸਰ ਦਿਹਾਤੀ ਪੁਲਿਸ ਵੱਲੋਂ ਹਥਿਆਰਾਂ ਸਮੇਤ ਕੀਤਾ ਗ੍ਰਿਫਤਾਰ

ਥਾਣਾ ਇਸਲਾਮਾਬਾਦ 'ਚ ਧਮਾਕਾ ਕਰਵਾਉਣ ਵਾਲੇ ਜੀਵਨ ਫੌਜੀ ਗੈਂਗ ਦੇ ਗੁਰਗਿਆਂ ਨੂੰ ਅੰਮ੍ਰਿਤਸਰ ਦਿਹਾਤੀ ਪੁਲਿਸ ਵੱਲੋਂ ਹਥਿਆਰਾਂ ਸਮੇਤ ਕੀਤਾ ਗ੍ਰਿਫਤਾਰ

Admin User - Jan 31, 2025 04:43 PM

ਅੰਮ੍ਰਿਤਸਰ- ਪੰਜਾਬ ਵਿੱਚ ਵੱਧ ਰਹੀਆਂ ਕ੍ਰਾਈਮ ਦੀਆਂ ਵਾਰਦਾਤਾਂ ਨੂੰ ਰੋਕਣ ਲਈ ਲਗਾਤਾਰ ਹੀ ਪੰਜਾਬ ਪੁਲਿਸ ਵੱਲੋਂ ਹਰ ਤਰੀਕੇ ਦੀ ਸੰਭਵ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਤੇ ਨਾਕੇਬੰਦੀਆਂ ਕਰਕੇ ਆਰੋਪੀਆਂ ਨੂੰ ਗ੍ਰਿਫਤਾਰ ਕਰਨ ਦੇ ਵਿੱਚ ਵੱਡੀਆਂ ਸਫਲਤਾਵਾਂ ਹਾਸਿਲ ਕੀਤੀਆਂ ਜਾ ਰਹੀਆਂ ਜਿਸ ਦੇ ਚਲਦੇ ਅੰਮ੍ਰਿਤਸਰ ਦਿਹਾਤੀ ਪੁਲਿਸ ਨੂੰ ਉਸ ਸਮੇਂ ਵੱਡੇ ਸਫਲਤਾ ਹਾਸਿਲ ਹੋਈ ਜਦੋਂ ਅੰਮ੍ਰਿਤਸਰ ਪੁਲਿਸ ਦੇ ਸੀਆਈਏ ਸਟਾਫ ਵੱਲੋਂ ਜੀਵਨ ਫੌਜੀ ਗੈਂਗ ਦੇ ਗੁਰਗਿਆਂ ਨੂੰ ਹਥਿਆਰਾਂ ਸਮੇਤ ਗ੍ਰਿਫਤਾਰ ਕੀਤਾ ਗਿਆ। ਇਸ ਸਬੰਧ ਵਿੱਚ ਅੰਮ੍ਰਿਤਸਰ ਦਿਹਾਤੀ ਦੇ ਐਸਐਸਪੀ ਚਰਨਜੀਤ ਸਿੰਘ ਸੋਹਲ ਨੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਦਿਹਾਤੀ ਦੀ ਸੀਆਈਏ ਸਟਾਫ ਵੱਲੋਂ ਰਾਮ ਤੀਰਥ ਰੋਡ ਧੋਲ ਕਲਾਂ ਮੋੜ ਤੇ ਨਾਕੇਬੰਦੀ ਕਰਕੇ ਰਣਜੀਤ ਸਿੰਘ ਉਰਫ ਗਾਨਾ ਅਤੇ ਅਮਨਦੀਪ ਸਿੰਘ ਉਰਫ ਪ੍ਰਿੰਸ ਨੂੰ .30 ਬੋਰ ਪਸਤੋਲ ਅਤੇ 10 ਜਿੰਦਾ ਰੋਂਦ ਅਤੇ ਡੇਢ ਲੱਖ ਰੁਪਏ ਦੀ ਡਰੱਗ ਮਣੀ ਨਾਲ ਗਿਰਫਤਾਰ ਕੀਤਾ ਗਿਆ ਅਤੇ ਇਹਨਾਂ ਤੇ ਥਾਣਾ ਕੰਬੋ ਵਿਖੇ ਮਾਮਲਾ ਦਰਜ ਕੀਤਾ ਗਿਆ। ਇਸੇ ਤਹਿਤ ਹੀ ਪੁਲਿਸ ਨੇ ਕਾਰਵਾਈ ਕਰਦੇ ਹੋਏ ਬਲਬੀਰ ਸਿੰਘ ਨਾਮਕ ਵਿਅਕਤੀ ਨੂੰ ਪਿੰਡ ਮਾਹਵਾ ਤੋਂ ਗ੍ਰਿਫਤਾਰ ਕੀਤਾ ਗਿਆ ਜਿਸ ਦੇ ਕੋਲੋਂ ਇੱਕ ਮੋਟਰਸਾਈਕਲ ਅਤੇ ਦੋ 09 MM ਪਿਸਤੋਲ ਅਤੇ ਇੱਕ .30 ਬੋਰ ਦਾ ਪਿਸਤੋਲ ਉਸ ਤੋਂ ਇਲਾਵਾ ਇੱਕ ਦੂਜੇ ਮੁਕਦਮੇ ਦੇ ਵਿੱਚ ਅੰਮ੍ਰਿਤਸਰ ਤਿਆਰ ਦੀ ਪੁਲਿਸ ਅਤੇ ਦੋ ਮੋਬਾਇਲ ਸੈਟ ਅਤੇ 20 ਹਜ਼ਾਰ ਨਗਦੀ ਸਮੇਤ ਗ੍ਰਿਫਤਾਰ ਕੀਤਾ ਅਤੇ ਉਸਦੇ ਉੱਪਰ ਥਾਣਾ ਘਰਿੰਡਾ ਵਿਖੇ ਮਾਮਲਾ ਦਰਜ ਕੀਤਾ ਗਿਆ ਅਤੇ ਇਸੇ ਤਰ੍ਹਾਂ ਹੀ ਘਰੀਂਡਾ ਪੁਲਿਸ ਨੇ ਇੱਕ ਲਵਾਰਿਸ ਫਾਰਚੂਨਰ ਕਾਰ ਅਤੇ ਉਸਦੇ ਵਿੱਚ ਛੇ ਰੋਂਦ ਬਰਾਮਦ ਹੋਣ ਦੇ ਮਾਮਲਾ 15 ਨਵੰਬਰ 2024 ਨੂੰ ਦਰਜ ਕੀਤਾ ਸੀ। ਅਤੇ ਉਸੇ ਮਾਮਲੇ ਚ ਪੁਲਿਸ ਨੇ ਹੁਣ ਹਰਵਿੰਦਰ ਸਿੰਘ ਉਰਫ ਚਮਕੌਰ ਸਿੰਘ ਨਾਮਕ ਵਿਅਕਤੀ ਨੂੰ ਇੱਕ .32 ਬੋਰ ਪਿਸਤੋਲ ਸਮੇਤ ਖਾਸੇ ਪੁੱਲ ਤੋਂ ਗਿਰਫਤਾਰ ਕੀਤਾ ਹੈ। ਜਿਸ ਦੇ ਉੱਪਰ ਵੀ ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਅਤੇ ਪੁਲਿਸ ਨੇ ਕੁੱਲ ਦੋ ਪਿਸਤੋਲ .32 ਬੋਰ ਅਤੇ 10 ਜਿੰਦਾ ਰੋਮ ਅਤੇ 2MM ਪਿਸਤੋਲ ਅਤੇ ਇੱਕ 32 ਬੋਰ ਪਿਸਤੋਲ ਅਤੇ ਇਕ ਲੱਖ 17 ਹਜਾਰ ਡਰੱਗ ਮਣੀ ਅਤੇ ਦੋ ਮੋਬਾਇਲ ਫੋਨ ਅਤੇ ਇੱਕ ਮੋਟਰਸਾਈਕਲ ਤੇ ਫਿਰ ਐਕਟੀਵਾ ਬਰਾਮਦ ਕੀਤੀ ਹੈ। ਪੁਲਿਸ ਨੇ ਦੱਸਿਆ ਕੀ ਗਿਰਫਤਾਰ ਕੀਤੇ ਗਏ ਵਿਅਕਤੀ ਅਮਨਦੀਪ ਸਿੰਘ ਉਰਫ ਪ੍ਰਿੰਸ ਅਤੇ ਰਣਜੀਤ ਸਿੰਘ ਉਰਫ ਗਾਨਾ ਜੀਵਨ ਫੌਜੀ ਗੈਂਗ ਦੇ ਨਾਲ ਸੰਪਰਕ ਵਿੱਚ ਸਨ। ਫਿਲਹਾਲ ਪੁਲਿਸ ਵੱਲੋਂ ਸਾਰੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।